Plantun de Prouvènço

Pèr coumpara dos planto d'encò nostre

Rhamnus pumila & Phelipanche purpurea

Rhamnus pumila

Rhamnaceae

Nom en français : Nerprun nain.

Descripcioun :
Aquéu nasprun nanet trachis sus li roucas d'auto mountagno ounte s'arrapo. Se recounèis à soun port, de segur, e peréu à si fueio qu'an de 5 à 10 costo que se vèson bèn. Fai de pichòti flour verdo, di quatro petalo, que se vèson pas gaire. Lou fru (5 à 8 mm) èi rouge e pièi negre.

Usanço :
Coume tóuti li nasprun, es uno planto empouisounanto que fai raca e douno la fouiro. Li fru soun, adounc, pas manjadis.

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhamnus
Famiho : Rhamnaceae

Coulour de la flour : Verdo
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Auto mountagno - Roucas
Estànci : Mountagnard à Aupen
Couroulougi : Pancaro entresigna
Ref. sc. : Rhamnus pumila Turra, 1764

Erbo-de-taurèu(-pourpro)

Phelipanche purpurea

Orobanchaceae

Nom en français : Orobanche pourpre.

Descripcioun :
Aquesto erbo-de-taurèu dóu gènre Phelipanche s'atrobo d'eici-d'eila, mai subretout en mountagno ounte èi pamens pas trop coumuno. Es uno planto gaire grando. Parasito majamen l'erbo-de-milo-fueio, Achillea millefolium. La subsp. presento eici, ié dison purpurea emé de flour vióuleto bèn regado deforo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Phelipanche
Famiho : Orobanchaceae

Ordre : Lamiales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun
Jun à juliet

Liò : Tepiero - Prado - Camin
Estànci : Mesoumediterran à Mountagnard
Couroulougi : Éurasiatico-Centre-Ouèst
Ref. sc. : Phelipanche purpurea (Jacq.) Soják, 1972 (= Orobanche purpurea Jacq, 1762 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rhamnus pumila & Phelipanche purpurea

ges

Coumpara Nasprun(-nanet) emé uno autro planto

Coumpara Erbo-de-taurèu(-pourpro) emé uno autro planto